记住要打卡啊各位!!
- Posted at 2008/04/02 19:58
- Filed under 毒物/听觉细菌
Mobile:
我上個月有2日半都無大搞到要寫檢討啊陰功...希望不要扣太多錢啦...
話說搬打卡機甘大件事好心就正式出通知啦..陰我咩..
一邊埋怨一邊就聽到電台播這首歌，應景啊....
歌詞實太頂癮...相信很多返緊工的都會有同感...都系個句，有空譯普通話..
日出而作
作曲：DJ Galaxy
填詞：C 君．6 Wing
返工放工 幾點至夠鐘
Sick Leave要點用 開會有乜用
打卡打卡打記得打卡
日出而作 搏一搏 我架單車都變摩托
睡眼惺忪九點鐘 記得起身返工
九個鐘九個鐘每日返九個鐘
個個都要返工 返工先唔使窮 證明你有用
份糧月中已經唔夠用
第一個鐘輕輕鬆鬆 等第二個鐘
第二個鐘去Site Visit 順便去埋Game Zone
第三個鐘打電話 打成個鐘至接通
之後嗰四個鐘勁多野做喺公司四圍中
入廁所沖吓沖吓 又釣魚中吓中吓
攞杯咖啡沖吓沖吓 沖吓沖吓沖吓沖吓
咁又沖到最尾嗰個鐘
個個睇住個鐘 個個等放工
放工去玩又驚第二朝早起又驚糧尾
返工係一個得閒死唔得閒病嘅遊戲
你老闆唔鍾意你 你唔鍾意份工
鬼叫你鍾意份人工 咁就冇嘢需要理
返工放工 幾點至夠鐘
Sick Leave要點用 開會有乜用
打卡打卡打記得打卡
打卡最型 打唔停 打少一成會雙目失明
大部份嘅老細會低估員工嘅能力
大部份嘅員工會低估老細嘅智力
大部份嘅老細會挑戰員工嘅耐力
大部份嘅員工會問同事攞零食
番工放工 幾點至夠鐘
Sick Leave要點用 開會有乜用
打卡打卡打記得打卡
日搏夜搏先發覺 最鍾意讀書返學
永遠就嚟遲到 班地鐵一定趕唔到
好彩第一個返到 老細又睇我唔到
成個朝頭早已經有鬼咁多嘢做
臨放工終於做到趴喺度
有人冇嘢忙又要扮忙
女同事化完妝又要補妝
係Pantry入面嘅Pantry黨扮開會
同一個Project講完又講
掃把話唔夠數 出嚟捉人去跑數
跑極都係唔夠數 份人工又唔啱數
最唔抵飲完酒晚起唔到身返唔到工
詐病請病假 又要付出代價
好彩呀邊個有醫生紙明碼實價 仲要做緊特價
請夠四日都唔怕
費時返到公司 好似隻死屍
放工去開P 點知要OT
打卡打卡記得打卡
唔係O咗T有邊個知
返工放工 幾點至夠鐘
Sick Leave要點用 開會有乜用
打卡打卡打記得打卡
(喂 今晚我要早走呀 你可唔可以幫吓我手呀)
番工放工 幾點至夠鐘
Sick Leave要點用 開會有乜用
打卡打卡打記得打卡
(尋晚我都冇走 點打卡嗻)
Posted by 炎狼=炎焱燚
- Tag
- 好歌推荐
- Response
- No Trackback , No Comment
- RSS :
- http://www.m12studio.com/blog/y2y/rss/response/235
Trackback URL : 无法向此文章发送引用
